RS SHINYANGA
RAS AMUOMBA RC KUSIMAMIA UANZISHISHWAJI WA SOKO LA MADINI

RAS Shinyanga amuomba Rc Manyara kusimamia uanzishwaji wa Soko la Madini.

Na Gift Thadey, Simanjiro.

KATIBU Tawala RAS wa Mkoa wa Shinyanga Zuwena Omary Jiri ambaye ameapishwa hivi karibuni jijini Dodoma na Rais Samia Suluhu Hassan amewaaga wananchi na viongozi wa Wilaya ya Simanjiro kwa kumuomba Mkuu wa Mkoa wa Manyara, Charles Makongoro Nyerere, kusimamia uanzishwaji wa soko la madini.

 

Zuwena ambaye alikuwa Katibu Tawala DAS wa Wilaya ya Simanjiro na kuteuliwa kuwa Rais Samia kuwa RAS Shinyanga alitoa ombi hilo mji mdogo wa Mirerani, alipoagwa na kukabidhiwa tuzo ya utumishi uliotukuka na chama cha wachimbaji madini mkoa wa Manyara (MAREMA) Tawi la Mirerani.

 

Amemuomba Makongoro afanikishe uanzishwaji wa soko la madini ya vito kwani jengo litakalotumika kwa uuzaji na ununuzi wa madini hayo ya vito lipo na limekamilishwa ujenzi wake.

 

Amesema ana imani mkuu huyo mpya wa mkoa wa Manyara, ataweza kutekeleza suala hilo la uanzishwaji wa soko hilo la madini ya vito ambalo lilikuwa lipo tayari kuanza.

 

 

Amesema changamoto ya wafanyabiashara wa madini ambao ni wanunuzi wakubwa wa madini kuanzisha ofisi kwenye mji mdogo wa Mirerani ilikuwa kikwazo cha uanzishwaji wa soko hilo.

 

Hata hivyo, Makongoro amesema atapambana kuhakikisha soko hilo linaanzishwa japokuwa changamoto ya kutoa leseni ya wafanyabiashara wanunuzi wa madini kati ya mkoa wa Manyara na Arusha.

 

 

Amesema leseni hizo ambazo hutolewa na ofisi ya madini ya mkoa bado hakujafikiwa muafaka rasmi hivyo inapaswa wachague leseni zitolewe Manyara au Arusha ili soko hilo lianze kazi.

 

Amesema hivi karibuni anatarajia kuanza ziara yake ya siku tano kwenye wilaya ya Simanjiro hivyo atakutana na wadau hao wa madini ili wakae pamoja na kujadili suala hilo kwa mapana yake.

 

Leave a Reply

Your email address will not be published. Required fields are marked *