Marekani Na Taliban Kusaini Makubaliano Ya Kusitisha Mapigano

Waziri wa mambo ya nje wa Marekani Mike Pompeo amesema nchi yake itatiliana saini na kundi la Taliban tarehe 29 mwezi huu juu ya kusimaisha mapigano nchini Afghanistan

Makubaliano hayo yatatiwa saini mbele ya wasimamizi wa kimataifa baada ya mazungumzo ya muda mrefu kati ya wajumbe wa Umoja wa Falme za kiarabu,Taliban na Marekani.

Msemaji wa Taliban Zabihullah Mujahid pia amefahamisha kwamba Marekani na Taliban watafanya mipango juu ya kubadilishana wafungwa wa kivita.

Wakati huo huo waziri wa mambo ya nje wa Marekani Pompeo ameeleza kuwa pande mbili hizo zimekuwa zinafanya mazungumzo kwa lengo la kuleta suluhisho la kisiasa na pia amefahamisha kwamba Marekani itapunguza idadi ya askari wake nchini Afghanistan.

Mkataba kati ya Marekanai na Taliban utatiwa saini kutegemea na hatua zitakazochukuliwa ili kupunguza mapigano nchini

Afghanistan kote kwa kiwango kikubwa. Mkataba huo utatoa fursa ya kuleta amani baada ya miaka mingi ya vita na uwepo wa majeshi ya Marekani tangu mwaka 2001.

Katibu Mkuu wa mfungamano wa kijeshi wa NATO Jens Stoltenberg kwenye taarifa yake amesifu mkataba huo kuwa utafungua njia ya kuleta amani ya kudumu.

Amesema hatua hiyo inaweza kufungua njia ya mazungumzo kati ya Waafghanistan na hatimae kuhakikisha kuwa nchi hiyo sio tena mahala salama kwa magaidi.